پشاور (این این آئی)صوبائی دارالحکومت پشاور کے علاقے گلبہار میں ضلعی انتظامیہ نے گودام پر چھاپہ مار کر 50 لاکھ روپے سے زائد مالیت کی سرکاری دوائیں برآمد کر لیں۔ذرائع کے مطابق گلبہار کے علاقے میں واقع گودام پر چھاپے کے دوران پولیس نے لاکھوں روپے مالیت کی ادویات برآمد کرنے کے ساتھ ایک شخص کو گرفتار بھی کیا ہے۔ ڈپٹی کمشنر نے اس حوالے سے کہاکہ دواؤں پر خیبرپختونخوا اور حکومت سندھ کے علاوہ واپڈا، سی ڈی اے اور دوسرے سرکاری ہسپتالوں کی مہریں لگی ہوئی ہیں جنہیں ہٹاکر دوبارہ پیک کیا گیا تھا۔