سڈنی (این این آئی)نیشنل ٹی ٹوئنٹی کپ میں کمنٹری کے فرائض سر انجام دینے والے آسٹریلوی کمنٹیٹر مائیک ہیزمین نے پاکستان سے جاتے ہوئے الوداعی پیغام شیئر کرتے ہوئے کہاہے کہ پاکستان میں کرکٹ کا مستقبل روشن اور تابناک ہے۔ اپنے بیان میں انہوںنے کہاکہ پاکستان میں اپنے قیام سے خوب محظوظ ہوا ہوں۔مائیک ہیزمین نے کہا کہ پچھلے چار ہفتوں کے دوران پاکستان میں بہت مزہ آیا، پاکستان کرکٹ کا مستقبل روشن اور تابناک ہے۔آسٹریلوی کمنٹیٹر نے اپنے چاہنے والوں اور پاکستان کرکٹ بورڈ کا شکریہ ادا کرتے ہوئے لکھا کہ اگلی بار پاکستان آنے کا منتظر ہوں۔