اسلام آباد (این این آئی)وفاقی وزیر توانائی حماد اظہر پٹرولیم مصنوعات کی قیمتوں میں اضافے سے متعلق اصل نمبرز سے لاعلم نکلے۔ ایک انٹرویو میں حماد اظہر نے کہاکہ
اوگرا کی تجاویز پر ہی پٹرولیم منصوعات کی قیمتوں میں اضافہ کیا گیا ہے۔انہوں نے کہا کہ شاید کچھ کم زیادہ ہو، لیکن اصل نمبرز وزارت خزانہ کو ہی معلوم ہوں گے۔وزیر توانائی نے کہا کہ پٹرولیم مصنوعات کی قیمتوں میں اضافہ کرنا سب سے مشکل کام ہوتا ہے۔ انہوںنے کہاکہ حکومت پٹرولیم مصنوعات کی قیمتوں میں اضافہ کا بوجھ خود بھی برداشت کررہی ہے،عالمی سطح پر پٹرول کی قیمت میں اضافہ ہوا ہے۔وفاقی وزیر توانائی نے کہا کہ پٹرولیم لیوی 30 روپے سے ساڑھے 5 روپے تک لاچکے ہیں، پٹرولیم مصنوعات کی قیمتوں میں ریلیف دینے کی حکومتی گنجائش کم ہوتی جارہی ہے۔ انہوں نے کہاکہ عالمی منڈی میں طلب و رسد پر تیل کی قیمتوں میں اضافہ ہوا، آئی ایم ایف کے کہنے پرنہیں۔
