لاہور ( آن لائن) رہنما مسلم لیگ ن رانا ثنا اللہ نے پیٹرولیم مصنوعات کی قیمتوں میں اضافے کو رد کرتے ہوئے کہا ہے کہ سارا ظلم آئی ایم ایف کے کہنے پر کیا جار ہا ہے ۔ وزیراعظم خود کشی نہیں کرسکتے تو خودکشی کی کوشش ہی کرلیں۔ پی ڈی ایم کو مہنگائی اور بیروزگاری کے خلاف لانگ مارچ کی کال دینی چاہئے۔لاہور میں عدالت پیشی کے موقع پر

مسلم لیگ ن کے رہنما رانا ثنا اللہ کا کہنا تھا کہ حکومت ہرروز مہنگائی میں اضافے کاباعث بن رہی ہے۔عوام پر مہنگائی کی صورت میں بم گرایا گیا ہے۔وزارت نے جوتجویزبھیجی اس سے دگنااضافہ کردیاگیا۔ انہوں نے حکومت پر تنقید کرتے ہوئے کہا ہے کہ رات بجلی،صبح پیٹرول کی قیمت میں اضافہ کردیا جاتا ہے۔ پیٹرولیم مصنوعات کی قیمتوں میں پہلے کبھی اتنااضافہ نہیں کیاگیا۔ساراظلم آئی ایم ایف کے کہنے پرکیاجارہاہے۔رانا ثنا اللہ کا کہنا ہے کہ عمران خان کہتے تھے کہ میں آئی ایم ایف کے پاس نہیں جاؤں گا، وزیراعظم خود کشی نہیں کرسکتے تو خودکشی کی کوشش ہی کرلیں۔جن حالات میں ملک کو دھکیل دیا گیا ہے یہ اب ایک جماعت کے بس کی بات نہیں ہے، اب قومی قیادت کو بیٹھ کر فیصلہ کرنا ہوگا، ایک چارٹر آف اکانومی ہونا چاہیے۔انہوں نے پی ڈی ایم کو مشورہ دیتے ہوئے کہا ہے کہ پی ڈی ایم کو مہنگائی اور پیٹرولیم مصنوعات کی قیمتوں میں اضافے کے خلاف لانگ مارچ کی کال دینی چاہیے اور عوام سے بھی

سے استدعا ہے کہ وہ سڑکوں پر نکلیںسیلکٹڈ ٹولے کو نکال باہر کرنا چاہیے۔انہوں نے مزید کہا ہے کہ حکومت نے عوام کاجیناناممکن بنادیا ہے۔ حکومت کوبرداشت کرنالوگوں کے بس میں نہیں رہا۔ عوام کوسڑکوں پرآکرآوازبلندکرنی چاہیے۔ جب تک نا اہل سلیکٹڈ ٹولہ موجود ہے عوام پر ظلم ہوتا رہے گا۔ رانا ثنا اللہ کا کہنا تھا کہ مریم نواز (ن) لیگ کی رکن ہونے ناطے پی ڈی ایم کا حصہ ہیں، پی ڈی ایم کے اتحاد میں پیپلزپارٹی نہیں ہے، اپوزیشن اتحاد میں 8 جماعتیں ہیں قومی اسمبلی میں پیپلز پارٹی متحد اپوزیشن کے ساتھ ہے۔