اسلام آباد(این این آئی) وفاقی وزیر اطلاعات ونشریات فواد چوہدری نے کہاہے کہ پہلے ادوار میں خبر کا ملنا مشکل تھا،اب سچی اور جھوٹی کا فرق مشکل ہے۔ تقریب سے خطاب کرتے ہوئے
انہوں نے کہاکہ پہلے ادوار میں خبر کا ملنا مشکل تھا،اب سچی اور جھوٹی کا فرق مشکل ہے،خبر کو پھیلانے کے بہت سے ذرائع ہوگئے ہیں۔ وفاقی وزیر نے کہاکہ خبر دینے والوں کی صحیح تربیت ہونا ضروری ہے، مینار پاکستان واقعہ کے بعد دنیا میں پاکستان کیخلاف غلط تاثر پھیلایا گیا۔ وزیراطلاعات نے کہاکہ پڑوسی ملک کے میڈیا نے مینار پاکستان واقعہ کے بعد پاکستانی معاشرے پر بے جا تنقید کی،خبر کو توڑ مروڑ کر پیش کیا جائے تو اصل اورجعلی کی تمیز کرنا مشکل ہے۔ وفاقی وزیر نے کہاکہ ڈیجیٹل میڈیا ونگ کسی بھی عالمی ادارے کے برابر ہے،اظہار رائے کی آزادی کے حوالے سے عالمی سطح پر قوانین مرتب کرنا ہوں گے۔ وفاقی وزیر نے کہاکہ فیک نیوز کے حوالے سے میڈیا کے اندرمباحثہ ضروری ہے،فیک نیوز کے حوالے سے دنیا بھر کے ممالک قانون سازی کر رہے ہیں۔
