لاہور( این این آئی)بھارتی میڈیا نے ایک بار پھر ٹی ٹونٹی ورلڈکپ میںپاک بھارت میچ سے قبل ’’موقع موقع ‘‘کے نام سے نیااشتہار جاری کردیا ہے۔ٹی ٹونٹی ورلڈکپ کا ہائی وولٹیج گیم 24 اکتوبر اتوار کے روز دو روایتی حریفوں پاکستان اور بھارت درمیان کھیلا جائے گا۔

میچ سے قبل دونوں جانب سے شائقین کرکٹ سمیت سابق کرکٹرز اپنے کرکٹرز کو مشورے دے رہیں ہیں۔ٹی ٹونٹی ورلڈ کپ میں پاک بھارت ٹاکرا 24 اکتوبر کو دوبئی کرکٹ سٹیڈیم میں ہوگا۔ پاکستان اور بھارت کے مابین سیاسی کشیدگی کی وجہ سے دونوں ممالک نے کافی عرصے سے باہمی سیریز نہیں کھیلی، اس دوران صرف آئی سی سی ٹورنامنٹس میں دونوں ٹیموں کو آپس میں کھیلنے کا موقع ملتا ہے۔اس تمام تر صورتحال کے باوجود دونوں جانب شائقین کرکٹ میں جوش و ولولہ آج بھی برقرار ہے جس کا اندازہ اس بات سے بھی لگایا جا سکتا ہے کہ پاک بھارت میچ کی ٹکٹیں صرف 2 سے تین گھنٹوں میں فروخت ہوگئیں۔