ماسکو ( آن لائن ) روسی صدرپیوٹن نے امریکہ کو ڈالر کی بجائے دوسری کرنسی میں تجارت کرنے کی دھمکی دے ڈالی۔ پیوٹن کا کہنا ہے کہ ہم پر امریکی پابندیاں
مسلط رہیں تو کسی اور کرنسی میں تجارت شروع کردیں گے۔ روسی دارلحکومت ماسکو میں انرجی کانفرنس کے دوران امریکی ٹی وی کو دیئے گئے ایک انٹرویو میں امریکی پالیسیوں پر شدید تنقید کرتے ہوئے کہا کہ امریکا ڈالر کو خود تباہ کر رہا ہے، امریکا اسی شاخ کو کاٹ رہا ہے جس پر خود بیٹھا ہے، روس پر امریکی پابندیاں برقرار رہیں تو کسی اور کرنسی میں تجارت شروع کردیں گے۔ امریکا قرضے پر قرضے حاصل کر رہا ہے۔ امریکی تاریخ میں کبھی اتنی مہنگائی نہیں رہی جتنی امریکا میں آج ہے۔ حالت یہ ہے کہ امریکی اتحادی بھی اب ڈالر میں تجارت کم کر رہے ہیں۔صدرپیوٹن نے واضح کیا کہ امریکا دوسرے ممالک پر معاشی پابندیاں لگا کر بہت بڑی غلطی کر رہا ہے، روس پرپابندیاں جاری رہیں تو ہمارے پاس دوسری کرنس پر منتقل ہونے کے علاوہ کوئی چارہ نہیں ہوگا ۔
