لاہور (آن لائن) سول سیکرٹریٹ پنجاب نے کینسر کے مرض میں مبتلا پی ایم ایس افسر وسیم رضا جعفری کے علاج کے حوالے سے ادویات کی خریداری کے لئے ساڑھے 4 لاکھ روپے مریض کی موت کے بعد جاری کردئیے ہیں۔ بتایا گیا ہے کہ مرحوم افسر وسیم رضا جعفری اپنے زندگی میں بیماری کے دوران پنجاب حکومت سے ادویات کی خریداری کے لئے ایک ایک روپے کو ترستا رہا۔ دعاؤں کی عدم دستیابی کے باعث کینسر کا مریض اپنی جان کی بازی ہار گیا۔ مگر اس کی موت کے بعد پنجاب حکومت نے ادویات کی مد میں ساڑھے چار لاکھ روپے جاری کردئیے ہیں۔