اسلام آباد (مانیٹرنگ ڈیسک /این این آئی)سانحہ گریٹر اقبال پارک کیس میں متاثرہ خاتون معروف ٹک ٹاکر عائشہ اکرم کا واقعہ سے متعلق نیا بیان سامنے آگیا ہے ۔ تفصیلات کے مطابق عائشہ اکرم کا کہنا تھا کہ میں حلفاً یہ بیان دیتی ہوں کہ مینار پاکستان میں واقعے سےمتعلق ذرا برابر بھی علم نہیں تھا جہاں مجھے سینکڑوں افراد کی جانب سے دست درازی کا نشانہ بنایا گیا ۔ عائشہ نے خود پر لگنے

والے تمام الزامات مسترد کر دیے ہیں انہوں نے اپنے ویڈیو پیغام میں کہا ہے کہ اس واقعے سے بے خبر تھی مجھے اور میری فیملی کو بلیک میل کیا جارہا ہے کہ اور مسلسل تھریٹ ملے رہے ہیں ۔ عائشہ نے وزیراعظم اور وزیراعلی پنجاب سے اپیل کی ہے کہ مجھےاور میرے خاندان کو تحفظ فراہم کیا جائے ۔ دوسری جانب گریٹر اقبال پارک کیس میں متاثرہ ٹک ٹاکر عائشہ اور اس کے ساتھی ریمبو کی تہلکہ خیز مبینہ آڈیوز سامنے آگئیں جس میں شناخت کئے گئے ملزمان سے رقم بٹورنے کے معاملات طے کرنے بارے سنا جاسکتا ہے جبکہ دوسری مبینہ آڈیو میں دونوں ایک دوسرے کو دھمکیاں دے رہے ہیں ۔مبینہ آڈیو ٹیپ میں عائشہ اکرم اور ریمبو ایک دوسرے سے مکالمہ کرتے ہوئے کہتے ہیں کہ مجرم 6 ہیں یا 7، عائشہ ریمبو سے کہتی ہے کہ 6 مجرم ہیں جنھیں شناخت کیا ہے۔ریمبو عائشہ سے پوچھتا ہے کہ فی مجرم کتنے پیسے لیے جائیں، زیادہ تر تو غریب ہیں، جس پر عائشہ جواب دیتی ہے کہ مشکل سے ان لوگوں نے 5، 5 لاکھ دینے ہیںجبکہ ریمبو کی بلیک میل کرنے کی آڈیو بھی اس کے موبائل سے برآمد ہوگئی، جس میں ریمبو کہہ رہا ہے کہ میں تیری ساری تصاویر اور ویڈیو میڈیا پر دوں گا ۔ ناکھیلیں گے نا کھیلنے دیں گے، مجھے برباد کیا ہے میں تجھے بھی برباد کردوں گا ۔جواب میں عائشہ اکرم کہتی ہے کہ میرے ساتھ میری فیملی ہے جہاں مرضی ویڈیوز بھیجو ، ریمبو نے مزید کہا کہ داتادربار کے سامنے پھنسنے والی ویڈیو بھی میرے پاس ہے۔ڈی آئی جی انویسٹی گیشن شارق جمال کا کہنا ہے کہ مبینہ آڈیو ریکارڈنگ قبضے میں لیے گئے ریمبو کے فون سے ملی ہے، فون کال کی ریکارڈنگ کو کیس کا حصہ بنا رہے ہیں اور کال کا جائزہ لے رہے ہیں۔