سوات ( آن لائن)میدانی علاقوں میں بارش اور کالام کے پہاڑوںپر موسم سرما کی پہلی برف باری ،موسم انتہائی سرد ہوگیا ،تفصیلات کے مطابق سوات کے میدانی اور بالائی علاقوں میں گزشتہ رات سے بارش کا سلسلہ وقفے وقفے سے جاری ہے مینگورہ شہر اور گردونواح میں شدید ژالہ باری اور موسلادھا ر بارش ہوئی جس کے باعث نکاسی آب کے ناقص نظام کی وجہ سے پانی سڑکوںپر بہنے لگا ادھر کالام کے دورافتادہ پہاڑی چوٹیوںپر موسم سرما کی پہلی بر ف باری شروع ہوئی ہے ژالہ باری اور برف باری کی وجہ سے سوات میںموسم انتہائی سرد ہوگیا ہے۔