اسلام آباد (این این آئی)قومی سلامتی کے مشیرڈاکٹر معید یوسف نے نامور جوہری سائنسدان ڈاکٹر عبدالقدیر خان کو خراج تحسین پیش کیا اور کہا کہ قوم نے ڈاکٹر عبدالقدیر خان کے انتقال پر انہیں والہانہ انداز میں خراج عقیدت پیش کیا ہے۔ ڈاکٹر معید یوسف نے اپنے ٹویٹ میں کہا کہ جیسا کہ توقع کی جارہی تھی، ڈاکٹر اے کیو خان کے انتقال پر قوم نے انہیں زبردست انداز میں خراج عقیدت پیش کیا، وہ پاکستان کے ایک سچے ہیرو ہیں۔ اللہ ان کی روح کو سکون عطا فرمائے ، اور ان کے خاندان کو یہ صدمہبرداشت کرنے کی توفیق عطا فر مائے۔ ڈاکٹر معید یوسف نے مرحوم کی روح کی مغفرت کے لئے بھی دعا کی اور سوگوار خاندان کے ساتھ دلی ہمدردی کا اظہار کیا۔