ممبئی (مانیٹرنگ ڈیسک) شاہ رخ خان کے بیٹے آریان خان کے منشیات کیس میں اہم پیش رفت سامنے آئی ہے، این سی بی نے ایک ویڈیو جاری کی ہے جس میں آریان خان کی دوست مونمن دھمیچا کے خفیہ طور پر منشیات لے جانے کا انکشاف ہوا ہے، ویڈیو میں کروڑ شپ میں این سی بی کی خاتون اہلکار مبینہ طور پر آریان خان کی دوست کے کمرے سے ملنے والے سامان میں موجود سینیٹری پیڈز سے منشیات کی گولیاں برآمد کررہی ہے۔مونمن کے بھائی نے اس کی سختی سے تردید کرتے ہوئے اسے جھوٹ قرار دیا ہے، مونمن کی عمر انتالیس سال ہے اور وہ ایک ماڈل ہیں اور مدھیہ پردیش کے ضلع ساگر میں مقیم ہیں۔