سرگودھا(این این آئی)آئی جی پنجاب نے 8 ڈی ایس پیز کے تقرروتبادلوں کے احکامات جاری کر دیئے۔زرائع کے مطابق آئی جی پنجاب راؤ سردار علی خان کے 8 ڈی ایس پیز کے
تقرر و تبادلے کے احکامات پر سپیشل برانچ سے محمد رمضان کو ڈی ایس پی ننکانہ صاحب تعینات کر کے ڈی ایس پی براگاہ ننکانہ صاحب خالد محمود کی خدمات ایڈیشنل آئی جی سی ٹی ڈی کے سپرد کر دی گئیں اور ایس پی یو سے زاہد حسین کو ڈی ایس پی براگاہ ننکانہ صاحب تعینات کر دیا گیا جبکہ ڈی ایس پی رینالہ خورد اوکاڑہ ظفر اقبال کو ڈی ایس پی نائین ایس پی یو، ڈی ایس پی سٹی بہاولپور اختر علی کو ڈی ایس پی رینالہ خورد تعینات کر کے تعیناتی کے منتظر محمد اقبال کی خدمات ایڈیشنل آئی جی سپیشل برانچ اورتعیناتی کے منتظر سعید اللہ خان کی خدمات ایڈیشنل آئی جی سپیشل برانچ کے سپرد کر دیں۔اسی طرح ڈی ایس پی سوہاوہ جہلم سید اقبال حسین کاظمی کو ڈی ایس پی انویسٹیگیشن3 راولپنڈی تعینات کر دیا گیا ہے۔
