لاہور( این این آئی)مسلم لیگ (ن) اسیر رہا ئی کمیٹی برائے اظہار یکجہتی قا ئد کے سیکر ٹری اطلاعا ت، ممبرپی ڈی ایم رابطہ کمیٹی لاہور محمد سلیم ر ضا نے کہا ہے کہ پنڈوراحکومت کا مزید قوم پر مسلط رہنے کا کو ئی جواز نہیں رہا،سلیکٹڈ عمران خان پینڈورا پیپرز کے انکشاف کے بعد
احتساب کا آغاز تحریک انصا ف سے کریں، قوم کو بتا یا جائے کہ تحریک انصا ف کے وفاقی وزرا ء اور پنجاب کے سینئر وزیرکا استعفیٰ کب آ ئے گا ؟۔اپنے بیان میں انہو ں نے کہاکہ ا حتساب احتساب اور چور چور کا شور مچانے والوں کو اپنا بھی احتساب کرنا چاہیے ،دنیا ایک مرتبہ پھرعمران خان کو یوٹرن لیتا دیکھ رہی ہے۔انہوں نے کہاکہ چور حکومت دونوں ہاتھوں سے ملک کو لوٹ رہی ہے کسی کا بھی احتساب نہیں ہورہا اگر احتساب انصاف کے مطابق ہو تو وزیر اعظم سمیت پوری وفاقی کا بینہ نیب کے شکنجے میں ہو۔ انہو ں نے کہاکہ حکومت پینڈورا پیپر میں اپنے وزرا ء کے نام چھپانے کے لئے بے بنیاد اور من گھڑت خبریں پھیلانے میں مصروف عمل ہے ، پینڈور اپیپر میں شامل کابینہ اور چورحکومتی شخصیات سے فوری طور پر استعفیٰ طلب کر کے انکے خلاف تحقیقات کی جائیں۔
