لاہور (این این آئی) مسلم لیگ(ن)پنجاب کی سیکرٹری اطلاعات عظمی بخاری نے کہا ہے کہ عمران خان پاکستان کا سلطانہ ڈاکوثابت ہوا ہے،اسوقت ملک میں خان بابا اور اسکے 40 چور مسلط ہیں،اصل سسلین مافیااورجعلی صادق و امیناب بے نقاب ہوئے ہیں ۔

اپنے بیان میں انہوںنے کہاکہ نئے پاکستان والوں کا غیرت اور ااخلاقیات سے کوئی تعلق نہیں ،اگر عمران خان میں تھوڑی سی بھی غیرت باقی ہے تو قوم کی جان چھوڑ دیں۔نوازشریف سے استعفیٰ مانگنے والا شخص آج ڈھٹائی سے کرسی پر براجمان ہے،ہم تو پہلے دن سے کہہ رہیں عمران نیازی چوروں کا سرغنہ ہے۔پنڈورا لیکس نے بھی ہمارے موقف کی ہی تصدیق کی ہے۔اخلاقیات کا تقاضہ یہی ہے کہ شوکت ترین،مونس الہی،فیصل واوڈا،خسرو بختیار اور علیم خان مستعفی ہو جائیں ۔چور،چور کی گردان کرنے والے خود چوروں کے سردار نکلے ہیں۔پاکستانی قوم اب جاگ چکی ہے ،قوم کی دولت لوٹنے والوں کو کٹہرے میں لانا ہوگا،اب عمران خان اور اسکے مافیا کو بھاگنے نہیں دینگے ،سب چور جلد اڈیالہ جیل میں ہونگے۔