کراچی(این این آئی)وزارت خزانہ نے انعامی بانڈز کی واپسی، تبدیلی یا کیش کرانے کی تاریخ میں توسیع کردی، اب بانڈز 30 ستمبر کی بجائے 31 دسمبر تک تبدیل کرائے جا سکیں گے۔ملک میں

غیر قانونی رقم کو محفوظ بنانے کے لیے بانڈز بہترین ذریعہ سمجھے جاتے تھے۔ اسی غیر قانونی رقم کی روک تھام کے لیے حکومت نے 15، 25 اور 40 ہزار روپے کے پرائز بانڈز کو کیش، رجسٹرڈ یا تبدیل کرانے کے لیے 30 ستمبر تک کی تاریخ مختص کی تھی جسے اب بڑھا کر 31 دسمبر تک کردیا گیا ہے۔اعداد و شمار کے مطابق اس حکومتی اقدام سے پہلے 15 ہزار روپے کے پرائز بانڈز میں سرمایہ کاری 192ارب روپے تھی جو اب کم ہو کر 32 ارب روپے پر آگئی ہے، 25 ہزار روپے کے پرائز بانڈز میں سرمایہ کاری 164 ارب روپے سے کم ہو کر 4 ارب روپے اور 40 ہزار روپے کے پرائز بانڈز میں سرمایہ کاری 259 ارب روپے سے کم ہو کر 1 ارب 20 کروڑ روپے پر آ گئی ہے۔