لاہور( آن لائن ) پاکستان مسلم لیگ( ن) کے صدر و قومی اسمبلی میں قائد حزب اختلاف شہباز شریف گھر کی سیڑھیوں سے گر کر زخمی ہو گئے۔ تفصیلات کے مطابق قائد حزب اختلاف شہباز شریف کا لاہور میں واقع اپنے گھر کی سیٹرھی سے پائوں پھسل گیا اور گرکر زخمی ہوگئے ۔ پھسلنے کے بعد ڈاکٹر ز نے ان کا معائنہ کیا اور انہیں 2ہفتے آرام کرنے کا مشور ہ دیتے ہوئے تمام سیاسی سرگرمیاں معطل کرنے کی بھی ہدایت کی ۔ ڈاکٹرز کا کہنا ہے کہ انہیں کوئی شدیدچوٹ نہیں آئی اور نہ ہی کوئی فریکچر ہوا ہے لیکن ان کی کمر میں شدید تکلیف کی شکایت ہے۔