ویلنگٹن (آن لائن )نیوزی لینڈ کرکٹ ٹیم کے کپتان کین ولیمسن نے دورہ پاکستان منسوخ کرنے کو شرمناک قرار دیتے ہوئے کہا کہ اندازہ ہے کہ پاکستانیوں کو دورہ منسوخ ہونے سے کتنی مایوسی ہوئی ہو گی۔ ملکی وغیر ملکی خبررساں ادارے کی رپورٹ کے مطابق کپتان کین ولیمسن آئی پی ایل کھیلنے میں مصروف ہیں اور ” سن رائزر حیدرآباد ” کی قیادت
کر رہے ہیں جس کے باعث وہ پاکستان سیریز کیلئے نہیں آئے ۔بھارتی میڈیا کو انٹرویو دیتے ہوئے کہا کہ مجھے اس معاملے کی تفصیلات کا علم تو نہیں ہے لیکن یہ سب اچانک ہوالیکن یہ شرمناک ہے ، پاکستان میں کرکٹ کو بہت پذیرائی حاصل ہے۔وہاں بہت زیادہ جذبہ ہے اور مجھے لگتا ہے کہ کھلاڑیوں کو سیریز شروع نہ ہونے پر بہت مایوسی ہوئی ہو گی ، چونکہ میں دبئی میں آئی پی ایل کھیل رہاہوں اس لیے میں تفصیلات سے آگاہ نہیں ہوں ، مجھے آئندہ کچھ دنوں میں اس سے متعلق مزید معلومات مل جائیں گی۔ ہم تمام ممالک میں کرکٹ کھیلنا چاہتے ہیں ، یہ بین الاقوامی کھیل ہے ، اور پوری دنیا میں اس سے متعلق بے پناہ جذبہ موجود ہے ، خصوصاً پاکستان میں ، سیریز کو وہاں واپس جاتے ہوئے دیکھنا دلچسپ تھا اور میں جانتاہوں کہ ہماری ٹیم اس کی منتظر تھی ، کھلاڑیوں کی حفاظت سب سے اہم ہے اور جب آپ حکومت کی طرف سے پیغامات سنتے ہیں تو یہ یقینی طور پر کھلاڑیوں کے سر سے اوپر کی بات ہے۔ٹیم واضح طور
پر وہاں تھے اور گراونڈ میں جانے کیلئے تیار تھی ، یہ سب بہت اچانک ہوا، میں یقین سے کہہ سکتاہوں کہ اس سے کوئی دیر پااثر نہیں پڑے گا کیونکہ وہاں کرکٹ کیلئے خاص جگہ ہے ، پاکستان میں کرکٹ کو واپس لانے اور کھیل کو محفوظ بنانے کیلئے بہت سے اقدامات اور کوششیں کی گئیں ہیں۔ ”ان کا کہناتھا کہ ہم نے یہ کئی موقعوں پر ہوتا ہوا دیکھا ہے ، لہذا امید ہے کہ وہاں بہت زیادہ کرکٹ آنے والی ہے۔
