شیخوپورہ(آن لائن)تھانہ بی ڈویژن کے علاقہ گلی زرگراں میں مسلم لیگ(ن)کے سٹی صدر میاں منور اقبال نے اپنے 30کے قریب ساتھیوں کے ہمراہ خاتون عالیہ جیلانی کے گھر دھاوا بول دیا خواتین کو تشدد کا نشانہ بنا کر شدید زخمی کرنے کے علاوہ

گھر سے 10لاکھ روپے نقدی،لاکھوں روپے مالیت کے 40تولے طلائی زیورات چھین کر فرار ہوگئے پولیس نے خاتون کی رپورٹ پر ملزمان کے خلاف مقدمہ درج کر لیا۔ پولیس نے تین ملزمان کو حراست میں لے لیا ہے۔خاتون نے وزیراعظم سے تحفظ کی اپیل کی ہے،ایف آئی آر کے مطابق خاتون عالیہ جیلانی نے موقف اختیار کیا ہے کہ وہ عرصہ 23 سال سے برطانیہ میں مقیم ہے اور گذشتہ 10ماہ سے شیخوپورہ میں اپنی پراپرٹی کے سلسلہ میں مقیم ہوں گذشتہ رات ملزم میاں منوراقبال اپنے ساتھیوں کے ہمراہ اس کی کزن جنت شفیق کے گھر داخل ہو کر اسے اپنے ڈیرہ پر لا کر تشدد کانشانہ بنانے کے علاوہ اس کی ویڈیو بناتے رہے بعدازاں اس کے گھر داخل ہو کر خواتین کو تشدد کا نشانہ بنایا جس سے وہ نیم برہنہ ہوگئی اس دوران ملزمان اس کے گھر سے 10لاکھ روپے نقدی،40تولے طلائی زیورات چھین کر فرار ہوگئے پولیس نے خاتون کی رپورٹ پر مقدمہ درج کرکے خاتون کو ہسپتال داخل کروا دیا ہے اس واقعہ پر سیاسی و مذہبی جماعتوں کے رہنماؤں نے شدید تشویش کا اظہار کیا ہے۔