سرگودھا(این این آئی) کنٹو نمنٹ بورڈ سرگودھا کے انتخابات میں وارڈ نمبر تین سے حکومتی پارٹی پی ٹی آئی کے امیدوار کو محکمہ اوقاف کے سات لاکھ 26 ہزار سے
زائد کے باقی دار ہونے پر نادہندہ قرار دے کر عدم ادائیگی کی صورت میں الیکشن میں حصہ لینے سے روک دینے کی درخواست دائر کر دی گئی۔ذرائع کے مطابق حکومتی پارٹی پی ٹی آئی کے راہنما محمد ارشد وڑائچ کنٹو نمنٹ بورڈ سرگودھا کے الیکشن میں وارڈ نمبر3 سے بلا کے نشان پر الیکشن لڑ رہے ہیں جن کے زمہ محکمہ مسلم اوقاف کے سات لاکھ 26 ہزار 640 روپے واجب ادا ہیں جن کو باقی دار ہونے پر نادہندہ قرار دے کرمحکمہ اوقات سرگودھا کے ڈسٹرکٹ آفیسر حسن رضوان نے چیف ایگزیکٹو کنٹونمنٹ بورڈ سرگودھا کو درخواست دی کہ الیکشن میں امیدوار محمد ارشد وڑائچ ولد محمد اسلم وڑائچ مسلم اوقاف پنجاب کے پلاٹ نمبر ایک رقبہ تعدادی 4کنال برائے تنصیب پٹرول پمپ ملحقہ دربار مٹھ معصوم فیصل آباد روڈ کے کرایہ دار ہیں جن کے زمہ جون 2021 تک سات لاکھ چھبیس ہزار چھ سو چالیس روپے بقایاجات ہیں۔جو نوٹسسز کے اجرائ کے باوجود بلا وجہ ادا ئیگی سے انکاری ہیں اس لئے سرکاری محکمہ کے نادہندہ کو سرکاری واجبات ادا کرنے تک الیکشن میں حصہ لینے سے روکا جائے۔اس صورتحال پر حلقہ میں طرح طرح کی چہ مگوئیاں جاری ہیں۔
