اسلام آباد( آن لائن) وزیر تعلیم شفقت محمود نے کہا ہے کہ ملک میں پہلی بار یکساںنصاب تعلیم رائج ہو رہا ہے کہ وزیراعظم کے وژن اور پارٹی منشور کی تکمیل کا دن ہے
نئے نظام کو نافذ کرنے کیلئے کئی چیلنجز کا سامنا کر نا پڑا یکساں نصاب تعلیم کی طرف بڑا قدم اٹھایا ہے، ملک میں یکسان نصاب تعلیم کے اجراء کی تقریب سے خطاب کر تے ہوئے انہوں نے کہا کہ یکسا ں نظام تعلیم کے لیے مشترکہ کوششیں کی گئیں۔ سندھ سمیت ملک بھر میں یکساں نظام تعلیم کو نافذ کیا جائے گا۔ وزیراعظم عمران خان نے یکساں نظام تعلیم کے لیے اقدامات پر زوردیا تھا۔ تبدیلی کاعمل یک دم نہیں بہت سے مراحل سے گزرکرطے ہوتا ہے۔شفقت محمود نے کہا کہ تعلیم کے شعبے میں اصلاحات پر وزیراعظم کے ویژن کے مطابق کام کیا۔ نئے نظام تعلیم کو رائج کرنے کیلیے کئی چیلنجز کاسامنا کیا۔وفاقی وزیرتعلیم شفقت محمود نے کہا کہ نیشنل کیری کلم کونسل قائم کیا اورہم نے نتیجہ خیز کام کیا۔ تعلیم کے منقسم نظام سے معاشرے میں فرق موجود تھا۔ تعلیم کے منقسم نظام سے معاشرے میں تناوَ نے جنم لیا۔ برطانیہ،چین ،جرمنی اور جاپان کا اپنا نیشنل کیری کلم نظام ہے۔
