لاہور (ا ین این آئی) ڈ ریپ کی جانب سے ادویات کی قیمتوں میں 150فیصد اضافے کیخلاف پنجاب اسمبلی میں قرارداد جمع کروادی گئی ۔مسلم لیگ(ن)کی رکن حناپرویز بٹ کی جانب سے جمع کرائی گئی قرار دا دکے متن میں کہاگیا ہے کہ ڈریپ کی جانب سے ادویات کی قیمتوں میں 150فیصد اضافہ ناقابل برداشت ہے۔تین سالوں میں ڈریپ چار مرتبہ ادویات کی قیمتوں میں اضافہ کرچکا ہے۔جان بچانے والی ادویات کی قیمتوں میں اضافہ مریض دشمن اور صحت دشمن پالیسیوں کا عکاس ہے۔فارماسوٹیکل کمپنیوں کو مالی فائدہ پہنچانے کیلئے ہر چھ ماہ بعد ادویات کی قیمتوں میں اضافہ کردیا جاتا ہے۔ قرار داد میں مطالبہ کیاگیا کہ ادویات کی قیمتوں میں اضافہ فوری واپس لیا جائے۔