پشاور(این این آئی) پشاور شہر اور گردونواح میں چینی کا بحران ختم نہ ہو سکا۔چینی کی فی کلو قیمت110روپے تک پہنچ گئی ہے،شہر میں غلے کی فروخت کے سب سے بڑے مرکز اشرف روڈ اور رامپورہ گیٹ میں چینی نایاب ہوگئی جس کے بعد خدشہ ہے کہ چینی کا بحران مزید شدت اختیار کر سکتا ہے۔ حکومت کیجانب سے چینی کے نرخ 88 روپے فی کلو مقرر کرنے کے بعد سے چینی کا بحران پید ا ہوا ہے۔ڈیلرز کے مطابق چینی انہیں 100روپے فی کلو ملتی ہے جسے سرکاری نرخ پر فراہم نہیں کیا جاسکتا،حکومت اپنی پالیسی پر نظر ثانی کرے۔پشاورکے مختلف علاقوں میں چینی فی کلو110روپے فروخت ہورہی ہے،جبکہ صوبے کے دیگر اضلاع میں سو سے 110روپے تک پہنچ گئی ہے اورقیمتوں میں مزید اضافہ کابھی امکان ہے۔