اسلام آباد (این این آئی)وفاقی وزیر مواصلات مراد سعید نے کہا ہے کہ عالمی اداروں کی رپورٹس نے بھارت کی سازشوں کوبے نقاب کیا،بھارت کے 40 بینک منی لانڈرنگ میں ملوث ہیں،پولیس اہلکاروں نے دہشتگردی سے نمٹنے کیلئے اہم کردار دا کیا،بہتر پا لیسیوں کے باعث کرونا پر قابو پانے میں مدد ملی، پاکستان میں سیاحت سمیت معاشی سرگرمیوں میں بھی تیزی آئی ہے۔اسلام آباد میں شہدائے پولیس کی تقریب سے خطاب کرتے ہوئے وفاقی وزیر مواصلات مراد سعید نے کہا کہ عالمی اداروں کی رپورٹس نے بھارت کی سازشوں کوبے نقاب کیا ہے، بھارت کے 40بینک منی لانڈرنگ میں ملوث ہیں، ہم نے بھارتی ایجنٹ کلبھوشن کو گرفتار کیا ،ڈس انفولیب رپورٹ سے واضح ہوا پاکستان امن کیلئے کردار ادا کرتا رہا ہے۔ انہوں نے کہا کہ موٹر وے پولیس کے 83افسراور جوان شہید ہوئے ،پولیس اہلکاروں نے دہشتگردی سے نمٹنے کیلئے اہم کردار دا کیا ۔ انہوں نے کہا کہ بہتر پا لیسیوں کی وجہ سے کرونا پر قابو پانے میں مدد ملی، پاکستان میں سیاحت سمیت معاشی سرگرمیوں میں بھی تیزی آئی ہے۔