لاہور( این این آئی)سعودی عرب کی جیلوں میں قید کاٹنے والے مزید28پاکستانی رہا ہوکر وطن واپس پہنچ گئے،سعودی عرب سے19قیدی سرکاری خرچ جبکہ9ذاتی خرچ پر وطن واپس پہنچے ۔لاہور کے علامہ اقبال انٹر نیشنل ائیر پورٹ پر تحریک انصاف کے مرکزی رہنما سینیٹر اعجاز چوہدری ،اوورسیز پاکستان فائونڈیشن کے ڈائریکٹر اور ریجنل ڈاریکٹرسمیت دیگر کے ہمراہ پاکستانیوں کا استقبال کیا ۔رہائی پانے والوں میں سے7 قیدیوں حیات اللہ،زاہدخان، رحیم اللہ، عمران خان، غلام خان، محمداسماعیل ،عبیداللہ کا تعلق ضلع مہمند ،ستراج خان کاتعلق لوئردیر ، محمد زبیرکا تعلق سیالکوٹ ،رحمت شاہ اور شبیر شاہ کا تعلق سوات ارہب حسین کا تعلق کرم ،صفداللہ باچا اور نہار احمد کا تعلق چار سدہ ،اکرام اللہ شاہ کا تعلق ہنگو ،عزت خان مردان سے تعلق رکھنے والے ،سید محمد پشاور کے ،آصف رضا ایبٹ آباد کے جبکہ غلام مرتضی کا تعلق لاڑکانہ سے ہے ۔