اسلام آباد / مظفر آباد (این این آئی) آزاد جموں و کشمیر قانون ساز اسمبلی میں تینوں مخصوص نشستوں پرپاکستان تحریک انصاف(پی ٹی آئی) کے امیدوارکامیاب ہوگئے۔مخصوص نشستوں پر پیر کو ہونیوالے انتخاب میں علما ومشائخ کی نشست پر پی ٹی آئی کے محمد مظہر سعید،ٹیکنوکریٹ کی نشست پر رفیق نیئر اور سمندر پار کشمیریوں کی نشست پر محمد اقبال کامیاب ہوئے۔گزشتہ روز خواتین کی 5 مخصوص نشستوں پر امیدوار بلامقابلہ منتخب ہوئی تھیں جن میں سے پی ٹی آئی کو تین، پیپلزپارٹی اور مسلم لیگ ن کو خواتین کی ایک ایک مخصوص نشست ملی تھی۔