اسلام آباد(مانیٹرنگ ڈیسک ) پاکستانی بیٹسمین پاور پلے میں 7.05 کے رن ریٹ سے بیٹنگ کرتے ہیں جو ٹی ٹونٹی کھیلنے والے ٹاپ 10 ممالک میں سب سے کم ہے۔ آئرلینڈ اور افغانستان کی ٹیمیں بھی پہلے 6 اوورز میں پاکستان سے بہتر رن ریٹ سے سکور کرتی ہیں ۔ اس فہرست میں آئرلینڈ کا پاور پلے رن ریٹ سب سے زیادہ 8.49 ہے، انگلینڈ 8.26 کے رن کے ساتھ دوسرے، آسٹریلیا (8.19) تیسرے، نیوزی لینڈ (7.87) چوتھے، ہندوستان (7.84) پانچویں، جنوبی افریقہ (7.75) چھٹے، ویسٹ انڈیز (7.68) ساتویں، افغانستان (7.56) آٹھویں، سری لنکا (7.43) نویں اور پاکستانی ٹیم (7.05) آخری نمبر پرہے ۔