اسلام آباد (این این آئی) پاکستان مسلم لیگ (ن) کی ترجمان مریم اورنگزیب نے کہا ہے کہ عمران خان جیسے بہروپئے سے نجات قوم اور ملک کی ضرورت ہے،
امریکہ میں جیتا ہوا ورلڈ کپ کشمیر فروشی میں تبدیل ہو گیا ،قوم جانتی ہے عمران خان نے الیکشن بیچا ہے، جیتا نہیں ،وہ وقت دور نہیں جب عمران خان کی مطلق العنانی عوام کے کٹہرے میں مجرم بن کر جوابدہ ٹھہرائی جائیگی ۔پاکستان مسلم لیگ (ن) کی ترجمان مریم اورنگزیب نے وزیراعظم عمران خان کے بیان پر ردعمل دیتے ہوئے کہا کہ عمران صاحب کیوں جھوٹ بولتے ہیں ؟ ،آپ جیسے بہروپئے سے نجات قوم اور ملک کی ضرورت ہے۔ انہوں نے کہا کہ امریکہ میں جیتا ہوا ورلڈ کپ کشمیر فروشی میں تبدیل ہو گیا ،قوم جانتی ہے عمران صاحب کہ آپ نے الیکشن بیچا ہے، جیتا نہیں ۔ انہوں نے کہا کہ آزاد جموں و کشمیر کے الیکشن کمیشن کے احکامات کی خلاف ورزیاں کرنے کے بعد عمران خان نے آج ایک نیا یوٹرن لیا ہے ۔ انہوں نے کہا کہ الیکشن کمیشن کے اختیار اور غیرجانبداری کو تباہ عمران خان نے کیا ہے جس وزیر کو الیکشن کمیشن نے نکالا، عمران خان اسے ہیلی کاپٹر پر اپنے ساتھ بٹھا کر واپس آزاد کشمیر لے آئے۔ انہوں نے کہا کہ عمران ،خان نے تین بار وزیر کو آزاد کشمیر لاکر الیکشن کمیشن کے حکم کی توہین کی ۔ انہوں نے کہا کہ عمران صاحب وہ وقت دور نہیں، جب آپ کی مطلق العنانی عوام کے کٹہرے میں مجرم بن کر جوابدہ ٹھہرائی جائیگی ۔
