کراچی(آن لائن) این سی او سی کی ہدایات کی روشنی میں تمام پروازوں پر ویکسینیشن سرٹیفیکیٹ کی جانچ شروع کردی گئی ہے۔پی آئی اے کا عملہ تمام پروازوں پر بورڈنگ کے عمل سے قبل ویکسینیشن سرٹیفیکیٹ چیک کررہا ہے۔ترجمان پی آئی اے کے مطابق اس عمل سے متعلق پی آئی اے اپنے کال سینٹر اور اشتہارات کے ذریعے تمام مسافروں کو مطلع کررہا ہے۔تمام مسافروں کی جانب سے ذمہ دار شہری ہونے کا ثبوت دیتے ہوئے مکمل تعاون مل رہا ہے۔ پشاور کے باچا خان ائیرپورٹ پر کورونا ویکسی نیشن سرٹیفکیٹ نہ ہونے پر 27 مسافروں کو آف لوڈ کر دیا گیا۔