اسلام آباد (این این آئی) پاکستان مسلم لیگ (ن) کے سینئر رہنماء و ممبر قومی اسمبلی احسن اقبال ایک بار پھر کورونا وائرس کا شکار ہو گئے۔ ٹوئٹر پر جاری پیغام میں لیگی رہنماء احسن اقبال نے کہا ہے کہ مجھے کووڈ کی دوبارہ تشخیص ہوئی ہے اور میں نے خود کو قرنطینہ کر لیا ہے۔جنرل سیکرٹری مسلم لیگ (ن) نے اپنی جلد صحتیابی کی دعا کی درخواست کرتے ہوئے عوام سے اپیل کی کہ ماسک پہنیں اور کورونا ایس او پیز پر عمل درآمد کریں۔دوسری جانب اپوزیشن لیڈر شہباز شریف نے دعا کرتے ہوئے کہا ہے کہ اللہ تعالیٰ احسن اقبال کو صحت یاب کرے ا ور اپنے حفظ و امان میں رکھے۔
آج کی سب سے زیادہ پڑھی جانے والی خبریں
