لاہور(نیوزڈیسک اسپیکر قومی اسمبلی سردار ایاز صادق نے کہا ہے کہ وہ مخالفت برائے مخالفت پر یقین نہیں رکھتے اور عمران خان سمیت تمام سیاسی قائدین کو عید مبارک کہتے ہیں ۔ ان کا کہنا تھا کہ شہدا کی قربانیوں کی کوئی قیمت ادا نہیں کی جا سکتی ، سرحدوں کی حفاظت کرنیوالے فوجی جوان ہمارے ہیرو ہیں ۔ سردار ایاز صادق جامع نعیمیہ لاہور میں نماز عید کے بعد میڈیا سے گفتگو کرتے ہوئے کہا کہ عمران خان ان کے ہمسائے ہیں ، ان کے پاس عمران خان کا پرانا نمبر ہے جوبند جا رہا ہے ،نیا نمبر ہوتا تو وہ ضرور فون کر کے ان کو عید مبارک کہتے ۔سردار ایاز صادق نے کہا کہ سرحدوں کی حفاظت کرنیوالے فوجی جوانوں کو سلام پیش کرتے ہیں ، شہید کبھی نہیں مرتے ان کی قربانیاں رائیگاں نہیں جائیں گی۔ عیدالفطر کے موقع پراپنے پسندیدہ پکوان کے حوالے سے بات کرتے ہوئے سردار ایاز صادق نے ہلکے پھلکے انداز میں کہا کہ رمضان کا مہینہ بھرپور گرمی میں گزرا ، اسلئے سوچ سمجھ کر کھانا پڑے گا۔