سڈنی ( آن لائن ) آسٹریلیا میں ایک افسوسناک واقعہ پیش آیا جب اسپتال کے عملے کی غفلت کے باعث ضعیف العمر شخص کو ناقابلِ تلافی نقصان اٹھانا پڑا۔ڈاکٹرز اور نرسنگ اسٹاف سے چھوٹی موٹی غلطیوں کی توقع تو کی جاسکتی ہے لیکن کسی شخص کی زندگی کو خطرے میں ڈال دینا بے شک متوقع نہیں ہوتا مگر آسٹریلیا میں 82 سالہ بزرگ کو ڈاکٹرز کی غفلت کا ناقابل تلافیِ نقصان ہوا۔میڈیا رپورٹس کے مطابق ایک بیماری کی وجہ سے اس مریض کی بائیں ٹانگ
کاٹی جانی تھی لیکن ڈاکٹرز نے غلطی سے دائیں ٹانگ کاٹ ڈالی اور غلطی کا اندازہ اس وقت ہوا جب ٹانگ کی پٹی تبدیل کی جارہی تھی۔اس حوالے سے اسپتال کے ڈائریکٹر نے عوام سے سرعام معافی مانگی اور پریس کانفرنس کرتے ہوئے کہا کہ ہم تفتیش کر رہے ہیں کہ ٓخر اس سنگین نوعیت کی غلطی کیسے ہوسکتی ہے؟عملے سے اس غفلت سے متعلق پوچھا گیا تو ان کا کہنا تھا کہ ہمیں لگتا ہے غلطی ا?پریشن سے قبل ٹانگ کی نشاندہی کے وقت ہوئی ہے۔
