اسلام آباد(نیوزڈیسک) بروری روڈ پر سردار بہادر خان یونیورسٹی کے باہر خود کش حملے کے نتیجے میں 2 افراد جاں بحق ہوگئے ہیں۔پولیس کے مطابق کوئٹہ میں بروری روڈ پر سردار بہادر خان یونیورسٹی کے باہر خودکش دھماکہ ہوا جس کے نتیجے میں 2 افراد جاں بحق ہوگئے ہیں، دھماکے کے فوراً بعد ریسکیو ٹیمیں جائے وقوعہ پر پہنچ گئیں اور امدادی کارروائیاں شروع کردیں جب کہ قانون نافذ کرنے والے اداروں نے جائے وقوعہ کو گھیرےمیں لے لیا۔ایس ایس پی آپریشن کا کہنا ہے کہ ریلوے ہاؤسنگ سوسائٹی سے ہزارہ ٹاؤن داخل ہونے کی کوشش کررہا تھا کہ اس دوران چوکیدار نے حملہ آور کو روکنے کی کوشش کی تو حملہ آور نے خود کو دھماکے سے اڑا دیا جب کہ خود کش حملہ آور نے خاتون کے کپڑے پہنے ہوئے تھا