آگرہ(نیوزڈیسک)بھارت میں مختلف پس منظر کی وجہ سے شادی نہ ہونے پر ایک جوڑے نے محبت کی مشہور یادگار تاج محل پر خود کشی کی ناکام کوشش کی۔پولیس نے بتایا کہ ہندو راجیو سنگھ اور مسلمان شبنم علی تاج محل میں خون میں لت پت پائے گئے تھے جنہیں ہسپتال منتقل کر دیا گیا۔ڈپٹی سپرٹنڈنٹ پولیس عاصم چوہدری نے بتایا کہ پہلے شبنم نے تیز دھار آلہ سے اپنی شہ رگ کاٹی جس کے بعد راجیو نے بھی ایسا ہی کیا۔ٹائمز آف انڈیا نے زخمی راجیو کے حوالے سے بتایا کہ شبنم اور میں نے اپنے والدین کو شادی پر راضی کرنے کی بہت کوشش کی لیکن مختلف مذہب ہونے کی وجہ سے ایسا نہیں ہوا۔ اکھٹا رہنے کی حد ممکن ناکام کوششوں کے بعد ہم نے یہ قدم اٹھایا۔دنیا بھر میں مشہور تاج محل مغل شہنشاہ شاہجاں نے 1631 میں بچہ کو جنم دیتے ہوئے انتقال کرنے والی اپنی بیوی ممتاز محل کی یاد میں تعمیر کروایا تھا۔