لاہور (آن لائن) سینیٹ میں پی ٹی آئی کے پارلیمانی لیڈر سینیٹر اعجازاحمدچوہدری نے کہاکہ شہبازشریف عرف ٹی ٹی شریف نے اپنے دورحکومت میں ملک کا اربوں روپیہ لوٹ کر بیرون ملک لے گئے، ٹی ٹی شریف نے نام نہاد منصوبوں کی آڑ میں اربوں روپے کی کرپشن کی ، منی لانڈرنگ شریف خاندان کی پہچان ہے ،

نوازشریف ایک سال بیرون ملک بھاگے ہوئے ہیںابھی تک وطن واپس نہیں آئے، انہوں نے کہاکہ شہبازشریف اور ان کے حواریوں نے ملکی اداروں کو تباہ کیا جس کا خمیازہ آج ملک وقوم کو بھگتنا پڑ رہا ہے، شریف خاندان 35 سال سے زائد عرصے تک اقتدار پر قابض رہے لیکن ملک میں کوئی ایسا ہسپتال نہیں بنا سکے جہاں پر ان کا علاج ہو سکتا، ن لیگ نے قبضہ گروپوں کی سرپرستی کی، ہمیشہ شریف خاندان نے ملک کو نقصان پہنچایا ہے، شور مچانے اور چیخنے چلانے سے شریف اور ان کے حواری احتساب سے بچ نہیں سکتے، انہیں قوم کی لوٹی ہوئی دولت کی پائی پائی کا حساب دینا پڑے گا۔ بعدازاں اعجازاحمدچوہدری کا ایم ڈی واسا اور ڈی جی ایل ڈی اے سے ملاقات کی اور عوام کو درپیش مسائل کے حوالے سے تبادلہ خیال کیا، انصاف یوتھ ونگ سنٹرل پنجاب کے صدر گلریز اقبال گجر کی قیادت میں گورننگ باڈی کے اراکین نے اعجازاحمدچوہدری سے ان کی رہائشگاہ پر ملاقات کی اور انصاف یوتھ ونگ کی تنظیم سازی کے حوالے سے تبادلہ خیال کیا اور اس موقع پر انصاف یوتھ کے مرکزی جوائنٹ سیکرٹری ملک عامر کھوکھر بھی موجو دتھے۔