کراچی(مانیٹرنگ ڈیسک /این این آئی)مرکز میں اتحادی تحریک انصاف اور متحدہ قومی موومنٹ پاکستان کے درمیان رابطہ ہوا ہے۔ذرائع کے مطابق متحدہ کو ایک اور وزارت کی پیشکش کی گئی ہے، سینئر وفاقی وزیر نے پیغام پہنچایا۔متحدہ قومی موومنٹ پاکستان نے وزارت لینے سے انکار کردیا۔یاد رہے کہ ایم کیو ایم پاکستان کے کنوینر ڈاکٹر
خالد مقبول صدیقی نے حیدر آباد میں خدمت خلق فائونڈیشن کی تقریب اور میڈیا سے بات چیت میں ایک بار پھر وزیراعظم عمران خان کو وعدے اور اعلانات یاد دلائے تھے۔ خالد مقبول صدیقی نے کہاکہ ایم کیوایم نے جو مانگا تھا اس کی امید کا یہ آخری سال ہے، کراچی کے لیے جتنا بھی اعلان ہوا اس پر وفاق حکومت اپنی جیب سے کچھ نہیں دے رہی ہے۔
