لاہور( این این آئی )آل پاکستان انجمن تاجران ( نعیم میر گروپ ) کے سیکرٹری جنرل نعیم میر نے کہا ہے کہ این سی او سی کی 8مئی تا 16 مئی تک مکمل کاروبار بند رکھنے کی تجویز پر کہا ہے کہ چھوٹا دکاندار عید پر کاروبار بند کرنے کا متحمل نہیں ہوسکتا، رمضان بازاروں

کے طرز پر کھلے میدانوں اور پبلک پارکس میں عید سٹالز لگا دیئے جائیں۔ اپنے بیان میں انہوں نے کہا کہ ضلعی انتظامیہ تاجروں کے ساتھ مل کر ہنگامی اقدامات کرے،ریٹیل بازار چوبیس گھنٹے کھلوائے جائیں، تاجر آف پیک آورز میں سحری تا نو بجے صح تک 20سے25فیصد ڈسکائونٹ آفر کردیں گے،صبح تا افطار تک بھی ڈسکائونٹ دیں گے،افطار تا سحری تک ہر قسم کی ڈسکائونٹ ختم کر دیں گے،اس حکمت عملی سے مارکیٹوں میں رش تقسیم ہوگا ۔انہوں نے کہا کہ تھیلے اور اسٹالز پہلے ہی کھلی جگہوں پر لگانے سے رش مزید تقسیم ہو چکاہوگا،انتظامیہ کو بیماری کی روک تھام کرنا ہے اور ہمیںبیماری اور بھوک دونوں سے بچنا ہے،این سی او سی قابل عمل حل دے تاکہ کوئٹہ والے صورتحال پیدا نہ ہو۔روایتی طریقوں سے ہٹ کر غیر روایتی انداز اختیار کیا جائے،اسد عمر اپنے قد کاٹھ کے مطابق فیصلے بھی کریں،ہم امید کرتے ہیں ریاست ہمارے معاشی مسائل کا ادراک کرتے ہوئے سہولت کا راستہ اختیار کرے گی۔