لندن(آن لائن) پاکستان سے رقم نکلوانے والی کمپنی براڈ شیٹ کو سنگین مقدمات کا سامنا کرنا پڑگیا، آئل آف مین کی عدالت نے براڈ شیٹ کے لیکوڈییٹرز کو رقم قرض خواہوں کو دینے سے روک دیا، براڈ شیٹ کو یہ رقم پاکستان سے ہرجانے میں ملی تھی۔پاکستان پر مقدمہ کیلئے براڈ شیٹ کو قرضہ دینے والی فرم نے ہرجانے کی تمام رقم پر حق

جتا دیا، براڈ شیٹ نے آئل آف مین کی ’کے مینآئرلینڈ ہیج فنڈ‘ نے قرضہ حاصل کیا تھا، اس کمپنی کی پیرنٹ کمپنی وی آر کیپیٹل گروپ ہے۔وی ار گلوبل نے براڈ شیٹ پر ورجن ائرلینڈ میں مقدمہ اور کولمبیا ڈسٹرکٹ کورٹ میں پٹیشن دائر کردی، جس میں اْس نے دعویٰ کیا ہے کہ براڈ شیٹ کو 2017 ء میں 6 ملین ڈالر قرض دیا تھا، معاہدے کے مطابق وصول شدہ رقم کے حقدار ہم ہیں۔وی آر نے براڈ شیٹ سے 27اعشاریہ 8 ملین ڈالر طلب کرلئے، تقریباً اتنی ہی رقم براڈ شیٹ کو پاکستان سے ملی تھی، براڈ شیٹ نے پاکستان کے معاہدہ توڑنے پر ہائی کورٹ سے اس کے اثاثے ضبط کرنے کا حکم حاصل کیا تھا۔براڈ شیٹ کو یو بی ایل کے اکاونٹ سے 28اعشاریہ 7 ملین ڈالر کی رقم لیکویڈیٹرز کے اکا ؤ نٹ میں ٹرانسفر کی گئی، وی آر کا کہنا ہے کہ براڈ شیٹ کو وصول شدہ رقم ’علیحدہ مخصوص اکاو?نٹ میں رکھنی چائیے تھی۔وی آرنے دعویٰ میں کہا ہے کہ 8 جنوری تک 7 ملین ڈالر کی سرمایہ کاری واپس ملنی چاہیے تھی، کروویل مورنگ نے چار ماہ تک رابطہ نہیں کیا نہ کوئی معلومات دیں،معاہدے کی خلاف ورزی پر کروویل مورنگ براڈ شیٹ کی وصول شدہ رقم میں 25 فیصد کی بھی حقدار نہیں ہے۔وی آر نے کہا کہ عدالت کروویل مورنگ کی پاکستانی وکلا ء کے ساتھ روابط کا ریکارڈ بھی ہمیں دینے کا حکم دے۔

موضوعات:براڈ شیٹ