لاہور(این این آئی) پاکستان مسلم لیگ(ن)کے صدر شہباز شریف کو معروف کرکٹر شاہد آفریدی نے ٹیلی فون کر کے رہائی پر مبارک دی اور رمضان المبارک پر نیک تمناؤں کا اظہار کیا۔شہباز شریف نے خیرسگالی کے جذبات کے اظہار پر شاہد آفریدی کا شکریہ ادا کیا۔دوسری جانب مسلم لیگ (ن) کے صدر شہباز شریف نے کہا
ہے کہ سابق ڈی جی ایف آئی اے کے چونکا دینے والے انکشافات سے میرے موقف کو تقویت ملی ہے۔ ٹوئٹر پر اپنے بیان میں شہباز شریف نے کہا کہ نیب نیازی گٹھ جوڑ مسلم لیگ (ن)اور اس کی قیادت کیخلاف جھوٹے مقدمات قائم کرنے اور انہیں جیلوں میں ڈالنے میں مصروف ہے،یہ گٹھ جوڑ اب بے نقاب ہو چکا ہے۔
