اسلام آباد (مانیٹرنگ +این این آئی) کورونا کیسز میں اضافے کی وجہ سے محکمہ ہائر ایجوکیشن نے لاہور سمیت 25 اضلاع میں سرکاری اور نجی کالجز کو بند کردیا۔نجی ٹی وی کے مطابق پنجاب میں پچیس اضلاع کے کالجز کو این سی او سی کی ہدایات بند کردیا گیا۔ محکمہ ہائر ایجوکیشن نے اپنے نوٹیفکیشن میں کہا کہ پانچ فیصد سے زائد

کورونا کیسز والے اضلاع میں کالجز کو بند کیا جارہا ہے۔ان اضلاع میں انٹرمیڈیٹ کی کلاسز کو بھی بند کیا جارہا ہے۔اس طرح سکولوں کے بعد پنجاب میں کالجز کو بھی غیر معینہ مدت کے لئے بند کر دیا گیا ہے، دوسری جانب نیشنل کمانڈ اینڈ آپریشن سینٹر نے بین الصوبائی ٹرانسپورٹ کی ہفتہ اتوار پابندی میں 17 مئی تک توسیع کر دی۔ این سی او سی کے مطابق ایس او پیز کے نفاذ میں صوبائی حکومتوں کو جہاں بھی فوج، ایف سی اور رینجرز کی مدد درکار ہو گی مہیا کی جائیگی۔وفاقی وزیر اسد عمر کی زیرصدارت این سی او سی کا اجلاس ہوا جس میں کورونا وائرس کی مجموعی صورت حال پر تبادلہ خیال کیا گیا۔ اجلاس میں کورونا سے متاثرہ زیادہ شرح والے شہروں میں تجویز کردہ لاک ڈاؤن پر غور کیا گیا۔ این سی او سی کے مطابق لاک ڈاؤن کا فیصلہ تمام اسٹیک ہولڈرز کی مشاورت کے بعد کیا جائے گا،مجوزہ پابندیوں میں بازاروں اور مالز کی بندش، انٹرسٹی پبلک ٹرانسپورٹ اور تعلیمی اداروں کی مکمل بندش شامل ہوگی۔ این سی او سی نے کہا کہ صوبائی حکومتوں کو جہاں فوج، ایف سی اور رینجرز کی مدد درکار ہوگی مہیا کی جائے گی۔ بین الصوبائی ٹرانسپورٹ پر ہفتہ اتوار پابندی میں 17 مئی تک توسیع کرنے کا فیصلہ کیا گیا ہے۔ اجلاس میں ہیلتھ کئیر سہولیات اور آکسیجن کی دستیابی کے حوالے سے بریفنگ میں بتایا گیا کہ

کورونا کی بگڑتی صورتحال کے پیش نظر مزید 6901 بیڈز فراہم کیے جاچکے ہیں، آکسیجن سپلائی کو یقینی بنانے کے حوالے سے سخت مانیٹرنگ کی جارہی ہے، این ڈی ایم اے کی جانب سے سے اب تک 2811 آکسیجن بیڈز، 431 وینٹیلٹر، 1196 آکسیجن سلنڈرز فراہم کیے گئے، این ڈی ایم اے نے 500 بائی پیپ اور 1504 فنگر پلس آکسیمٹرز بھی فراہم کیے۔ اجلاس کو بتایا گیا کہ سائنو فارم ویکسین کی پانچ لاکھ کی ایک اور کھیپ آج پاکستان پہنچ رہی ہے