کراچی(آن لائن) کراچی والے ہوجائیں ہوشیار، مرغی کی قیمت میں ہوشربا اضافے کے بعد اب گائے، بکرے کے گوشت کی قیمتیں بھی بڑھانے کی تیاری کرلی۔ میٹ مرچنٹ ایسوسی ایشن نے قیمتیں بڑھانے کے لیے سندھ ہائیکورٹ سے رجوع کرلیا۔ صدر میٹ مرچنٹ ایسوسی ایشن ندیم قریشی نے دائر درخواست میں موقف اپنایا ہے کہ پرانی قیمت پر گوشت نہیں بیچ سکتے، رمضان المبارک میں قیمتیں بڑھائی جائیں، موجودہ قیمتوں میں کاروبار نہیں چلا سکتے، انہوں نے کہا کہ گائے کے گوشت کی قیمت 600 روپے اور
بکرے کے گوشت کی قیمت 1100 روپے فی کلو مقرر کی جائے۔ 5 سالوں میں گائے اور بکرے کے گوشت کی قیمتیں طے نہیں ہوئیں۔صدر میٹ مرچنٹ نے کہا کہ ضلعی انتظامیہ دوکانداروں کو بھاری جرمانے کر رہی ہے، ایکسپورٹر ڈالرز میں جانور خرید رہے ہیں، ایکسپورٹر کے جانور ڈالر میں خریدنے پر قیمتیں آسمان کو چھو رہی ہیں، غیر قانونی مذبح خانوں میں پریشر گوشت تیار کیا جا رہا ہے۔ کمشنر کراچی کو نئی قیمتیں مقرر کرنے کا حکم دیا جائے۔ ضلعی انتظامیہ کو چھاپوں، گرفتاریوں سے روکا جائے۔
