لاہور( این این آئی) سیاسی رہنما جہانگیر ترین کے حمایتی اور تحریک انصاف کے ناراض رہنما سلمان نعیم نے دعوی کیا ہے کہ بہت سارے ممبران جہانگیر ترین کی حمایت میں ہیں مگر ابھی وہ سامنے نہیں آئے۔نجی ٹی وی سے گفتگو کرتے ہوئے انہوں نے کہا کہ جہانگیر ترین نے اس ماہ کی21 تاریخ کو اراکین کے

اعزاز میں افطار ڈنر کے پروگرام کا انعقاد کیا ہے جس بعد مستقبل سے متعلق حتمی فیصلہ کیا جائے گا۔مزید دو اراکین اسمبلی جہانگیر ترین کی حمایت میں سامنے آگئے جن میں سے ایک قومی اور دوسرا صوبائی اسمبلی کا رکن ہے، بہت سارے ممبران ابھی سامنے بھی نہیں آئے، ممکن ہے وہ 21 اپریل کے بعد کھل پراپنی حمایت کا اعلان کردیں۔انہوں نے کہا کہ جہانگیر ترین نے ہمیشہ قانون کا احترام کیا ہے اور وہ عدالت کے سامنے پیش ہوئے، وہ ان مقدمات کا سامنا کرنے کے بعد سرخرو ہوں گے۔دوسری جانب سیاسی رہنما جہانگیر ترین اور ان کے ہم خیال اراکین اسمبلی نے سر گرمیاں تیز کرنے کا فیصلہ کیا ہے جس کے لئے مشاورتی اجلاس 21اپریل کو طلب کر لیا گیا ۔ بتایا گیا ہے کہ اجلاس افطار ڈنر کے موقع پر ہوگا جس میں مجموعی صورتحال پر تبادلہ خیال کے ساتھ آئندہ کی  عملی مرتب کی جائے   گی۔