کراچی ( آن لائن) پاکستان تحریک انصاف کے قومی اسمبلی کے رکن جمیل احمد نے 2 ملازم بھائی کی جانب سے دھمکیاں دینے اور رقم واپس نہ کرنے پر ملیر کینٹ تھانے میں مقدمہ درج کرلیا گیا۔جمیل احمد کے پولیٹیکل سیکرٹری آصف کی مدعیت میں ملازم اشرف اور اس کے بھائی افضل

کے خلاف دھمکیاں دینے اور دھوکہ دہی کرنے کی دفعات کے تحت درج کیا گیا۔مدعی نے بتایا کہ ماہ جنوی میں اشرف نے شادی کا بہانہ بناکر ایم این اے سے 15ہزار روپے تنخواہ اور10ہزار روپے ادھار لیکر گیا اور جب اس سے رابطہ کیا گیا تو اس نے ادھار کی رقم واپس کرنے اور واپس آنے سے منع کردیا، ملزم کے بھائی محمد افضل نے فون پر ایم این اے کو خطرناک نتائج کی دھمکیاں دیں اور گالم گلوچ بھی کی۔ملزمان کے والدین نے اپنے بیٹوں کو بے قصور قرار دیتے ہوئے کہا کہ رکن قومی اسمبلی جمیل نے جھوٹی ایف آئی آر درج کرائی ہے ،یہ ایک ظالم آدمی ہے اور بیٹوں کو دھمکیاں دیتا رہا ہے ۔قبل ازیں ایک مبینہ آڈیو بھی سامنے آئی ہے جس میں رکن قومی اسمبلی جمیل اپنے ملازم اشرف سے پوچھ رہے ہیں کہ تم 15 دن کا کہہ کر کیوں واپس نہیں آئے حالانکہ تمہیں ایڈوانس بھی دیا گیا۔ اس پر اشرف بتاتا ہے کہ فی الحال اس کا واپس آنے کا ارادہ نہیں، جمیل احمد نے کہا کہ اگر تم بتاتے تو میں پہلے والا کْک نہ نکالتا، میں تم پر اور تمہارے باپ پر کراچی میں ایف آئی آر کٹواتا ہوں۔اس دوران اشرف نے ایزی پیسہ کے ذریعے رقم واپس لوٹانے کا کہا تو رکن قومی اسمبلی جمیل احمد نہیں مانے اور اشرف کو گالیاں اور دھمکی دیتے رہے۔