میر علی( آن لائن ) شمالی وزیر ستان کی تحصیل میر علی میں پی ٹی آئی کارکنوں کے درمیان جھگڑے اور فائرنگ سے 2شخص جاں بحق اور 4 افراد زخمی ہوگئے۔ تفصیلات کے مطابق شمالی وزیرستان کی تحصیل میر علی میں پی ٹی آئی کارکنان آپس میں گتھم گتھا ہو گئے جس کے بعد ایک دوسرے پر تھپڑوں کی بارش کر دی ،ملزمان کی فائرنگ سے

دو افراد جاں بحق اور 4 افراد زخمی ہوگئے۔جاں بحق والے ایک شخص کی شناخت عصمت اللہ کے نام سے ہوئی ، جبکہ دوسرے شخص کی ابھی تک شناخت نہیں کی جا سکی۔ ریسکیو حکام نے بتایا ہے کہ پی ٹی آئی کارکنان کے جھگڑے کے دوران 4 افراد زخمی ہوئے، زخمیوں میں ضیا الرحمان، واسد اورحامدعزیز شامل ہیں جنہیں منتقل کردیاگیا ہے۔