اسلام اباد ( آن لائن ) پاکستان پیپلزپارٹی نے شاہد خاقان عباسی اور احسن اقبال کو ن لیگ لندن کے سیاسی ٹارگٹ کلرز قرار دے دیا۔ نجی ٹی وی سے گفتگو کرتے ہوئے پیپلز پارٹی کے رہنماء چوہدری منظور حسین نے کہا کہ شاہد خاقان عباسی اور احسن اقبال مسلم لیگ
ن لندن کے سیاسی ٹارگٹ کلرز ہیں ، شاہد خاقان عباسی نے پیپلزپارٹی کو شوکاز نوٹس بھیج کر پی ڈی ایم کی ٹارگٹ کلنگ کی ، دوسرے سیاسی ٹارگٹ کلر احسن اقبال ہمیں واٹس ایپ گروپ سے نکال رہے تھے ، جب کہ مولانا فضل الرحمان نے پیپلزپارٹی اور عومی نیشنل پارٹی کو افہام و تفہیم کی دعوت دی۔انہوں نے کہا کہ سیاسی ٹارگٹ کلرز کو اندرونی کلنگ کا اگلا ٹارگٹ دیا گیا ہے ، شاہد خا قان عباسی بتائیں وہ کس پلان کے تحت لندن گئے تھے؟ جب کہ محمد زبیر کس ڈیل پر عمل درآمد کے لیے گئے تھے؟ بہتر ہے سب خود ہی بتادیں۔
