اسلام آباد (این این آئی)فخرِ پاکستان 8 سالہ ماشل آرٹس چمپئن فاطمہ نسیم نے ایک بار پھر نئی تاریخ رقم کر دی ہے، فاطمہ نسیم نے ایلبو اسٹرائیک مقابلے میں بھارتی کھلاڑی کو شکست دے دی ہے جبکہ ریکارڈ توڑ کر پاکستان آرمی کے نام کر دیا ہے۔بھارت کی ماشل آرٹس انسٹر کٹر اور ٹرینر کرن اونیال اس سے قبل متعدد ماشل آرٹس گنیز ورلڈ ریکارڈ بنا چکی ہیں
جبکہ اسرائیلی ماشل آرٹس کاراو میگا کی بلیک بیلٹ انسٹرکٹر ہیں اور انڈین آرمی آفیسر کی اہلیہ بھی ہیں۔فاطمہ نسیم جو گنیز ورلڈ ریکارڈ بک میں 7 سال کی عمر میں دنیا کی سب سے کم عمر ماشل آرٹس کھلاڑی ہونے کا اعزاز حاصل کر چکی ہیں ان کا ریکارڈ کرن اونیال نے 242 کے مقابلے 258 ایلبو اسٹرائیک مار کر توڑ دیا تھا، صرف 4 ماہ بعد ہی فاطمہ نے یہ اعزاز واپس لے لیا ہے اور بھارتی اتھلیٹ پر اپنی سبقت ثابت کر دی ہے۔فاطمہ نسیم نے ایک منٹ میں 258 مرتبہ کہنی مارنے کے مقابلے میں 272 مرتبہ دونوں ہاتھوں سے کہنی کو ٹارگٹ پر ہٹ کیا اور واضح برتری کے ساتھ ریکارڈ کو پاکستان کے نام کیا ہے جبکہ گنیز ورلڈ ریکارڈ کی جانب سے ایمیل کے زریعے ریکارڈ کی تصدیق کر دی گئی ہے۔گنیز ورلڈ ریکارڈ نے تمام تفصیلات اپنی ویب سائیٹ پر بھی جاری کر دی ہیں۔واضح رہے کہ فاطمہ نسیم پاکستان کے لیے سب سے زیادہ عالمی ریکارڈ بنانے والے ماشل آرٹس چیمپئن محمد راشد کی صاحبزادی ہیں جو نے65 عالمی ریکارڈ
بنا چکے ہیں۔ فاطمہ کے مطابق فائٹ میں انٹرنیشنل چمپئن شپ میں گولڈ میڈل حاصل کرنا ان کا ہدف ہے اور وہ چاہتی ہیں کہ پوری دنیا میں پاکستان کا نام بلند کریں۔یہاں یہ بات بھی قبل ذکر ہے کی پاکستان اکیڈمی آف ماشل آرٹس کی جانب سے بنایا جانے والا یہ 82 واں عالمی ریکارڈ ہے۔
