سکھر(این این آئی) روہڑی ریلوے اسٹیشن پر جان خطرے میں ڈال کر بچے ٹرین کے انجن سے بریک بلاک چوری کرنے لگے۔ہزارہ ایکسپریس کے انجن سے بریک بلاک نکالتے ہوئے ایک بچے کی ویڈیو منظرعام پر آگئی۔ویڈیو میں دیکھا جاسکتا ہے کہ بچہ چلتی ٹرین کے

انجن کے سائیڈ سے لٹک جاتا ہے، بچے نے جان خطرے میں ڈال کر انجن سے بریک بلاک نکال کے باہر پھینکا اور پھر بعد میں کہیں اتر گیا۔اس ضمن میں ڈی ایس ریلوے طارق لطیف نے بتایاکہ ٹرینوں کے انجنوں سے دو روز سے بریک بلاک نکالنے کی شکایات موصول ہورہی تھیں۔انہوں نے کہا کہ بچوں کو باقاعدہ ٹریننگ دی گئی ہے، یہ مافیا کا کام ہے، چوری کی وارداتوں میں شامل بچوں کو جلد گرفتار کرلیا جائے گا۔پولیس کے مطابق بچے نے جس ٹرین سے چوری کی ہے وہ ہزارہ ایکسپریس ہے جو کراچی جارہی تھی۔