کراچی (این این آئی) این اے 249 کراچی میں ضمنی انتخابات کے لیئے حساس پولنگ اسٹیشنز پر سی سی ٹی وی کیمرے لگانے کا فیصلہ کرلیا گیا ہے۔چیف سیکریٹری سندھ سید ممتاز علی شاہ کی زیر صدارت این اے 249 ضمنی انتخابات کے متعلق اجلاس ہوا۔ اجلاس میں این اے 249 ضمنی انتخابات کے لئے

سیکیورٹی اور انتظامی معاملات کا جائزہ لیا گیا۔صوبائی الیکشن کمشنر اعجاز انور چوہان نے کہا کہ این اے 249 کی خالی نشست پر 29 اپریل کو انتخابات ہوں گے۔ ضابطہ اخلاق کی خلاف ورزی برداشت نہیں کی جائے گی۔ ڈسکہ الیکشن میں ضابطہ اخلاق کی خلاف ورزی سے مسائل پیدا ہوئے۔ سانگھڑ، عمرکوٹ اور ملیر میں پر امن انتخابات سندھ حکومت کے تعاون کی وجہ سے ممکن ہوئے۔چیف سیکریٹری سندھ سید ممتاز علی شاہ نے کہا کہ الیکشن کمیشن کو صوبائی حکومت کی جانب سے ہر ممکن مدد فراہم کی جائے گی۔ الیکشن اور سیاسی جماعتوں کے الیکشن مہم کے دوران سیکیورٹی کو یقینی بنایا جائے۔ پولنگ اسٹیشنز پر ضروری سہولیات کی فراہمی کو یقینی بنایا جائے۔اجلاس میں حساس پولنگ اسٹیشنز پر سی سی ٹی وی کیمرے لگانے کا فیصلہ کرلیا گیا۔ چیف سیکریٹری سندھ نے کمشنر کراچی کو صوبائی الیکشن کمشنر سے رابطے میں رہنے کی ہدایت کی۔اجلاس میں صوبائی الیکشن کمشنر، کمشنر کراچی، سیکریٹری اسکول، سیکریٹری کالج، ڈپٹی کمشنر اور متعلقہ ایس ایس پیز نے شرکت کی۔ این اے 249 کراچی میں ضمنی انتخابات کے لیئے حساس پولنگ اسٹیشنز پر سی سی ٹی وی کیمرے لگانے کا فیصلہ کرلیا گیا ہے۔چیف سیکریٹری سندھ سید ممتاز علی شاہ کی زیر صدارت این اے 249 ضمنی انتخابات کے متعلق اجلاس ہوا۔