لاہور(نیوزڈیسک) قربت ایسی کہ سینے سے لگاتے رہے اور اب دوری اتنی کہ ڈی جے بٹ عمران خان سے ملاقات کو ترس رہے ہیں ۔ آٹھ کروڑ کے بقایا جات کا معاملہ سامنے آنے کے بعد ڈی جے بٹ کا کہنا ہے کہ انہیں اب عمران خان سے ملنے نہیں دیا جا رہا۔ تحریک انصاف اور ڈی جے بٹ کے درمیان واجبات کا تنازع الجھتا ہی جا رہا ہے ۔ ڈی جے بٹ نے آٹھ کروڑ کے بقایا جات مانگے تو اب تحریک انصاف نے ڈی جے بٹ سے تمام وینڈرز کے بل مانگ لیے ہیں۔ تحریک انصاف کی قیادت کا کہنا ہے کہ ڈی جے بٹ پانچ کروڑ نوے لاکھ وصول کر چکے انکی جانب سے دیئے جانے والے بلوں کا جائزہ لیا تو وہ مزید رقم کے حق دار ہونے کے بجائے پی ٹی آئی کے ایک کروڑ بہتر لاکھ کے نادہندہ نکلے ہیں جو انہیں واپس کرنا ہوں گے۔ ڈی جے بٹ کا کہنا ہے کہ وہ عمران خان کا ٹائیگر ہے اپنا حق لینا عمران خان سے ہی سیکھا ہے اور وہ اپنے واجبات لیکر رہیں گے جبکہ پی ٹی آئی کی قیادت کا کہنا ہے کہ ڈی جے بٹ کا حق نہیں رکھنا چاہتے مگر حقائق یہ ہیں کہ وہ پہلے ہی زائد بل لے چکے ہیں