کراچی(آن لائن)ایم کیو ایم کی نومنتخب سینیٹر نے حلف اٹھانے اور چیئرمین سینیٹ الیکشن میں ووٹ ڈالنے کیلئے جامعہ بنوریہ اور دارالعلوم کراچی سے فتویٰ مانگ لیا۔تفصیلات کے مطابق ایم کیو ایم کی رہنما خالدہ اطیب سندھ سے حالیہ سینیٹ الیکشن میں سینیٹر منتخب ہوئی ہیں تاہم وہ اس وقت عدت میں ہیں جبکہ ان کی جماعت ایم کیو ایم وفاق میں تحریک انصاف کی اہم اتحادی
ہے اور چیئرمین سینیٹ کیلئے ایک ایک ووٹ اہمیت کا حامل ہے۔اس لئے ایم کیوایم کے کنوینئرخالد مقبول صدیقی کی ہدایت پرکشور زہرہ نے خالدہ اطیب سے رابطہ کیا اور ان حالات میں عدت ختم کرنے کیلئے فتویٰ لینے کا مشورہ دیا۔جس پر خالدہ اطیب نے جامعہ بنوریہ اور دارالعلوم کورنگی سے فتویٰ مانگا ہے اور کہا ہے کہ وہ فتویٰ کی روشنی میں اپنا فیصلہ کروں گی۔
